Con pa participa?
CON CENSO 2020 LO TUMA LUGA?
Pa e Censo ta un exito Oficina Central di Estadistica (CBS) mester garantisa cu tur persona na Aruba ta haña e oportunidad di wordo conta.
Compara cu Censo 2010, Censo 2020 lo ta completamente digital, reemplasando asina e formularionan riba papel manera nos tabata conoce nan den e Censonan anterior. Bo por yena e cuestionario di Censo online pa bo y pa bo hogar. E cuestionario online lo ta disponibel desde diahuebs 1 di oktober 2020, 12:00 di marduga.
Entrante 1 di November 2020, CBS lo bishita tur e hogarnan cu NO a yena e cuestionario online.
CBS kier enfatisa cu a tuma tur precaucionan y medidanan necesario pa garantisa e seguridad di e informacion di cada persona, cada hogar y cada instancia.
Aparte di esaki, tambe CBS ta atento pa cumpli cu e reglanan stipula pa Departamento di Salud Publico pa cu e situacion actual. Pesey mes nos ta encurasha tur hogar pa yena e formulario di Censo online!
CON PA HAYA ACCESO NA E CUESTIONARIO ONLINE?
Pa haya acceso na e cuestionario di Censo Online, hogarnan mester usa nan number di percela (account number) di WEB NV. E number aki ta para riba e recibo di awa cu hogarnan ta haya tur luna y tambe riba e cuenta di awa online (WEBCare).
E number di percela aki mester wordo yena den e hoki corespondiente pa haya acceso na e cuestionario di Censo 2020.
Hogarnan cu NO tin un number di percela propio, mester jama CBS pa haya un number individual cual nan por uza pa haya acceso na e cuestionario di Censo Online.
Entrante diahuebs 1 di oktober por jama CBS na: 524 7444 di 8or di mainta pa 8or di anochi.
CON PA YENA E CUESTIONARIO DI CENSO ONLINE
E cuestionario di Censo 2020 mester wordo yena di e siguiente manera:
- Yena e number di percela
- Scohe e idioma den cual kier yena e cuestionario
- Verifica e number di percela y e adres di e hogar
- Indicacion di cantidad di persona den e hogar
- Indica e cantidad di persona den e hogar cu ta bibando na Aruba pa 1 aña of mas of tin e intencion di keda biba na Aruba pa 1 aña of mas
- Yena e informacion di tur e personanan aki cu ta pertenece na e hogar
- Verifica si e composicion di e hogar ta corecto
- Contesta tur pregunta di e vivienda
- Contesta pa cada persona den e hogar tur e preguntanan di por ehempel estado di migracion, salud, educacion, labor y uzo di ICT
- Finalisa e cuestionario
- Masha danki pa e cooperacion!
KI INFORMACION MESTER TIN CLA PROME CU YENA E CUESTIONARIO?
Prome cu yena e cuestionario, mester tin e siguiente informacion di e vivienda:
- Number di percela (account number manera ta parece riba e recibo di WEB)
- Adres corecto di e vivienda
- Cantidad di compartimento den e vivienda y cantidad di camber pa drumi, baño y toilet
- Superficie total di e vivienda den m2
- Si e vivienda ta na huur: e suma cu ta wordo paga na huur pa luna y locual ta inclui den e huur
Y e siguiente informacion di cada persona den e hogar:
- Edad
- Fecha di nacemento (luna y aña)
- Pais di nacemento
- Nacionalidad
- E fecha riba cual a establece su mes ultimo biaha na Aruba (luna y aña) pa esnan no naci na Aruba of pa esnan cu no a biba na Aruba henter nan bida
- E cantidad total di aña biba na Aruba
- Pais di nacemento di e mama y tata
- E cantidad di yui cu a trece na mundo y e edad riba cual a haya e prome yui (solamente pa hende muhe di 14 aña di edad of mas)
- Dificultad pa mira, scucha, cana, concentra, cuido personal (baña y bisti), of comunica, debi na un problema di salud
- Necesidad di ayudo for di otronan pa cuido personal of trabounan di cas debi na problema di salud fisico of mental
- Estado di salud general
- Si ta siguiendo un scol, tipo di scol/pasadia, nomber di scol y klas/grado/aña/nivel
- Nivel di educacion mas halto obteni y disciplina of specialidad
- Si a traha 4 ora of mas den e siman prome cu e Censo (solamente pa personanan 14 aña di edad of mas)
- Informacion tocante e profesion principal di e persona emplea
- Nomber y adres di e compania/negoshi/instancia/departamento
- Informacion di e existencia di un contracto of acuerdo laboral
- Informacion si e dunado di trabou ta deduci loonbelasting y contribucionnan social for di e pago/salario
- Entrada bruto pa trabou principal
- Entrada for di cualkier otro fuente di entrada (side job, pensioen, pago di alimentacion, etc.)
- Acceso na cellular
- Acceso na internet
- Acceso na aparatonan/devices pa haci sigui lesnan online/haci tareanan di scol/traha online
Censo 2020 Checklist – Papiamento
Censo 2020 Checklist – Nederlands
Censo 2020 Checklist – English
Censo 2020 Checklist – Español
Checklist Vivienda – Papiamento
Checklist Woning – Nederlands
Checklist Living quarter – English
Checklist Vivienda – Español
Checklist Demografia – Papiamento
Checklist Demografie – Nederlands
Checklist Demographics – English
Checklist Demografía – Español
Checklist Education – Papiamento
Checklist Onderwijs – Nederlands
Checklist Education – English
Checklist Educación – Español
Checklist Labor – Papiamento
Checklist Arbeid – Nederlands
Checklist Labor – English
Checklist Labor – Español
Checklist Salud – Papiamento
Checklist Gezondheid – Nederlands
Checklist Health – English
Checklist Salud – Español
Checklist Migracion – Papiamento
Checklist Migratie – Nederlands
Checklist Migration – English
Checklist Migración – Español
Checklist ICT – Papiamento
Checklist ICT – Nederlands
Checklist ICT – English
Checklist ICT – Español
KIKO PA HACI SI NO POR YENA E CUESTIONARIO ONLINE
- Si no tin un number di percela: E hogar mester jama CBS pa haya un number individual. Desde 1 di oktober por jama e number di e helpdesk di CBS: 524 7444
- Si no tin conexion di internet: E hogar por pidi un otro persona (sea famia of conocir) pa yuda cu e yenamenteo di e cuestionario. E cuestionario tambe por wordo yena riba un smartphone of un tablet
- Si no tin un aparato/device pa yena e cuestionario: E hogar por pidi asistencia di un otro persona pa yuda yena e cuestionario. E hogar tambe por jama e helpdesk di CBS na number: 524 7444. CBS lo yuda e hogar yena e cuestionario via telefoon.
NA UNDA MI TA HAYA MI NUMBER DI PERCELA (ACCOUNT NUMBER)?
E number di percela (account number) ta para riba e recibo di WEB NV cu hogarnan ta haya tur luna na cas. E number di percela aki tambe ta para riba e recibo digital di WEB C@re.
MESTER YENA E CODIGO DI DOS CIFRA PATRAS DI E NUMBER DI PERCELA?
No, mester yena solamente e cifranan na e parti dilanti di e number di percela. No mester yena e “0” dilanti di e number di percela ni tampoco e codigo di 2 cifra patras di e number di percela.
- Number di percela riba e recibo di WEB NV cu hogarnan ta haya na cas
- Number di percela riba e recibo di WEB Care
- Number di percela cu mester wordo yena via computer pa haya acceso na e cuenta di WEB Care
- Number di percela cu mester wordo yena via telefoon pa haya acceso na e cuenta di WEB Care
MI POR YENA E CUESTIONARIO CUANTO BIAHA CU MI KIER?
No, cada hogar por yena e cuestionario solamente 1 biaha. Despues cu e number di percela wordo uza 1 biaha, e no por wordo uza mas. Si e number di percela a wordo uza pa kibocacion, yama CBS pa pidi un number individual pa haya acceso na e cuestionario di Censo 2020.
Mester tene bon na cuenta cu e cuestionario mester wordo yena den un solo biaha! Esaki ta pa salvaguardia e siguridad di e datonan colecta.